Преображеньскій архієпархіяльний одпуст на Буковій Гірці

На Буковій Гірці (Пряшівска Русь), в найблизший вікенд (30.-31. серпня) буде проходил Архієпархіяльний Одпуст Преображыня Господнього. Окрем молитв і богослужынь (в тым і архієрейской Службы Божой, веденой владыком Йоаном Бабяком, архієпископом пряшівскым і митрополитом), важным моментом буде акт выголошыня афіліяциі церкви на Буковій Гірці з базиліком св. Петра в Римі, што в особливий духовий спосіб получыт оба храмы і іх вірных.

Букова Гірка то славне поломницкє місце грекокатолицкых Русинів Пряшівской Руси. За народныма переданями, в тым місци выздоровіл сліпец, якій ішол з Галича на ярмак до Стропкова. З той причыны, його приятелі, враз з вірныма недалекых Буковців, поставили там капличку, котра долго не была хоснувана.

Допіро в XVIII ст. діяльніст василиянина єромонаха Іринарха Ясільского ожывила Букову Гірку і довела до поставліня церкви і монастыря, в якым потім находила ся дяківска школа і духовне місце для послушників (т.є. осіб рыхтуючых ся приняти монашскій стан) з ріжных стран Мадяр. По ІІ Світовій Войні на Буковій Гірці остала лем церков, до якой до днес путуют поломникы не лем з Пряшівской Руси.

Полний ґрафік святкувань – пониже.