Франтішек Бенда (1709-1786) был чешскым композитором і гушлярьом. Музикувал на дворі князя Фридерика ІІ, бывал і в Польщы.
Коли в 1740 році Фридерик ІІ обнял прускій трон, перенюс ся до Берлина, де два рокы пізнійше долучыла до него решта родины. Был сыном Яна і Дороты Бріксі, братом Йіжі Антония Бенды, так як і він – композитора. В 1771 році Франтішек остал концертмайстром королівской оркєстры.
В своій творчости поміщал елементы чешской народной музикы. Скомпонувал 17 концертів на гушлі, 17 симфоній і вельо гушльовых творів (сонаты, дуеты і інчы). Його сын, Фрідріх Вільгельм Генріх Бенда, тіж остал узнаным гушлярьом і композитором.
Коментарі