Глядают теренового дослідника Лемків

Інститут Східніх Ініциятыв глядат теренового дослідника Лемків, Ромів, або Караімів і Татарів до нового проєкту Творча діяльніст етнічных меншын в Польщы на преломі ХХ і ХХІ столітя.

Цілю того проєкту єст аналіза динамікы етнічных творчых середовиск в Польщы і на єй основі опрацуваня науковых рекомендаций для креуваня культуральной політыкы державы.

Проєкт розписаний єст на рік – од липця 2015 до серпня 2016, але набір тырват лем до 19. червця т.р.

До обовязків бадача будут входити м.ін. участ в школіню, вступна аналіза даных, участ в проведіню прібного досліджыня, участ в властивых тереновых досліджынях, транскрипция прведеных бесід і іх наукова обробка та стала спілпраца з координатором досліджынь і членами дослідничого ансамблю.

Вчас проєкту орґанізуваны будут варштаты і стрічы з выдатныма специялістами, будут то м.ін. :

• др габ. Малґожата Смoронґ-Ружыцка, продекан Історычного Выділу Ягайлоньского Університету,
• др Александра Сыновєц, працівник Катедры Прикладных Соспільных Наук Шлеской Політехнікы,
• проф. др габ. Лешек Корпоровіч, працівник Катедры Медженародового Культурознавства Ягайлоньского Університету,
• др габ. Анджей Зємба, кєрівник Закладу Етнічных Односин в Европі.

Інститут оферує символічне вынагороджыня та участ в загальнопольскій науковій конференциі.

Більше про проєкт, вымаганя, обовязкы – чытайте за мотузком.

Інститут Східніх Ініциятыв то позаурядова орґанізация – стоваришыня, якє од 5 років реалізує едукацийны та дослідничы проєкты, звязаны з обшырю бывшого Совітского Союзу. Головном цілю орґанізациі єст діяня для зглубліня спілпрацы медже Польщом і Европейскым Союзом а Росийом, державами Східньой Европы, Кавказу і Середньой Азиі. Більше про стоваришыня найдете на іх офіцияльным сайті.