«Говорить Пряшів» – початок червця – пятниця, 20.00 год.

Рівно днес, в пятницю, зачал ся червец/юній. 1. червця/юнія 2011 рока зачало грати перше во світі лемківскє радийо, котре зробило за сім дотеперішніх років великій проґрес. Не будеме ся самы хвалити, бо не пристоіт. Фактом є, што з інтернетового радия, ЛЕМ.фм стало ся радийом ефіровым, з власныма столпами на Лемковині і чужыні.

Успіхом про редакцию лемківского радия было навязаня і підтримуваня спілпрацы з камаратскым радийом Русин.фм. Они голосят добру новину на Пряшівскій Руси, а мы в себе – на Лемковині. Хоц по правді і єдны і другы годны голосити новину на цілий світ. Так і оно реально єст. Інтернет дотерат уж всядиль, де лем чловек зашол і пристал.

Кажда річниця то добрий час не лем отворити шампанскоє, але самособом зробити рефлексию і пляны на будуче. Наша редакция має іх вельо. З надійом віриме, што ся сполнят, а камаратя з Пряшова будут надале з нами спілпрацувати і буде то хосенна спілпраца, так як є дотепер. Доказом той спілпрацы сут штотыжньовы передачы «Говорить Пряші». Тот цикль передаєме слухачам з лемківского боку уж од парох років. Што тыжден новы реляциі, інформациі. При тым цінны історичны вісти і припоминаня поезиі та інчых творів найвыдатнійшых Русинів.

Днес, в нашу-вашу річницю, просиме слухати в Книжници.фм оповідань Емилияна Кубека. В Нашых Целебритах слово на остатнього русиньского будителя Євгенія Фенцика, грекокатолицкого священника, педаґоґа, писменника, культурно-політичного діяча.


Приносиме актуалны інформації з русиньского середовиска і нелем з нього. З нашыма справами будете все актуално інформованы о найважнішых подіях і з Културным калеідоскопом вам не втече жадна културно-сполоченьска акція у вашім реґіоні.

Повязаны дописы

Коментарі

Польковиці 103,8 МHz
Ґорлиці 106,6 MHz