«Говорить Пряшів» – пятниця, 20.00 год.

Часом є так, же штоси ся діє не з нашой вины, а пак приходит нам за тото перепрашати. Так і мы днес хочеме поступити. Каяме ся перед нашыма чытачами і заєдно дякуєме за терпеливіст. Наше оправданя приймите за тым, што через якысий час не годны сте были зайти на наш лемківскій сайт і чытати тото, што каждий ден поєдны редакторы рыхтуют.

Зачали сме дакус поважні, то тепер треба Вас остеречы. Так ся нам вшыткым здавало, же буде уж так легко, тепло і приємно. Но на жаль ні. Мороз фурт тримат, а має такой зімати іщы міцнійше. Плюс лем такій, што выморозит вшыткы дзядовины і планноту. Товды лишат ся лем щестя і здоровля про каждого з Вас. Пильнуйте ся вірны слухачы, бо тепер хворота пришла і до нас на Лемковину. Про тото, якы то злы силы ю ґу нам привели, же хочеме звідувати, ани неприхыльників про одповід не просиме.

Зас прихыльників пряшівскых климатів просиме на передачу з центра русиньской культуры. Днес в ній міцно лемківско, але перше медженародно. В Нашых Целебритах про археолоґа Тівадара Легоцкого, якій по нацийональности был Хорватом, але заєдно мадярскым патріотом. А же Мадярів і Русины люблят, то ся занял він археологійом Підкарпатской Руси.

Лемківского буде вельо за справом чытаной поезиі Штефаніі Трохановской, лемківской поетесы, жены Маестра Лемковины – Ярослава Трохановского.

Штефанія Трохановска

Лем небо над нами наше

лем небо над нами наше

 што нам го предкы
в спадку лишыли
забрала нам вода потічкы

 лісы нам вышуміли

лем небо над нами наше

а мы ци направду люде

іщы ся кус подільме
і неба над нами не буде


Приносиме актуалны інформації з русиньского середовиска і нелем з нього. З нашыма справами будете все актуално інформованы о найважнішых подіях і з Културным калеідоскопом вам не втече жадна културно-сполоченьска акція у вашім реґіоні.

 

 

Повязаны дописы

Коментарі

Польковиці 103,8 МHz
Ґорлиці 106,6 MHz