«Говорить Пряшів» – пятниця, 20.00 год.

Часом так маме, што не знаме, што повісти. Ріжні то быват, але ним ся рече немудро, ліпше трираз передумати, а пак конче або выповісти, або ніт.

Днес як раз такій ден настал, што не знаме як заповісти премєру поучытельного проґраму «Говорить Пряшів», просто з центру русиньской культуры на Пряшівскій Руси – Пряшова. Ой, кілько раз в тым речыню выступило слово Пряшів… То лем доказ на вагу того міста, так в давній, як і днешній русиньскій істориі. Бо тото што тепер, то о хвилю уж буде історийом. Може по кус і мы ґу тому даме своіх пят ґрайцарів. 

Переходячы до основны. В премєровым голосі з Пряшова рекомендуєме звернути Вашу увагу на Нашых Целебритів. Буде про Осифа Раца з Руского Керестура, економічного діяча, якій основал русиньску кооперативу, мал млын, а і давал муку партизантам. В меджевойню русиньскій культурний діяч, а по ІІ Світовій Войні місцевы руиньскы комуністы го не цінили. А што в Книжниці? Но, гын стріча з Марийом Мальцовском та єй твором – Маминка, а зас в Припоминайці Теодозия Латтова повіст про єдну бабску мудріст. 

Просиме і ждеме о 20.00 год.