«Говорить Пряшів» – третій тыжден марця – середа, 20.00 год.

Уж сме думали, же зима не мине. Через суботу і неділю постуденіло, але днес середа – теплійше. Не знаме, ци высувати так екстремальну тезу, жебы лучыти довєдна прихід середы з премєром єдиного поучытельного проґраму. Може ліпше ніт – іщы нас о босорство посудят, а з такыма знате што ся робит (гей, дальше іх судят!). Єдна з польскых пословиц бесідує, же в марци то як в горци (поль. w marcu jak w garncu). Правда – не дост, же раз студін як фрас, то другій нон раз гріє, як бы дідо ішли кобылом ярувати. А то здрадливе. Такій світ, не лем чловек годен здрадити, бо хвиля тіж. Тепер нам в лемківскій редакциі хворіют, но добрі, же ся іщы можеме обернути за том пряшівском. А може в Пряшові просто ліпше? Одречте сой самы.

А тепер перейдме до мерітум. В новым одтинку «Говорить Пряшів» Вас привитат Історичний календар. В Нашых целебритах спомнеме си на Юрия Костюка – народженого на Підкарпатскій Руси вызначного музыка і учытеля, якого спадковина не лем для Русинів цінна, але і для Словаків, Чехів, Украінців. В Книжници послухаме сой дакус поезиі Михала Добвы і Штефана Смолея: Аж ся під Камянов. Не бракне і Культурного калейдоскопу (бо, як знаме, культура є важна в жытю каждого Руснака і каждой Русначкы). Красні просиме.

За рамівком Русин.фм чытаме: Приносиме актуалны інформації з русиньского середовиска і нелем з нього. З нашыма справами будете все актуално інформованы о найважнішых подіях і з Културным калеідоскопом вам не втече жадна културно-сполоченьска акція у вашім реґіоні.