«Гіст в ЛЕМ.фм: Анна Кырпан» – понедільок, 10.30 год.

Просиме на бесіду з Анном Кырпан, котру добрі знате, як авторку проґраму 70%. Тым разом то мы будеме о ріжне розмаіте звідувати паню Анну. Стрітили сме ся в серпни/авґусті на Лемковині. А де докладні?  Того дознате ся з бесіды.

Анна Кырпан была участничком артистичного пленеру «На Лемковині» орґанізуваного Товариством для Розвитку Музею Лемківской Культуры. Не был то єднак час бесіды о малярстві – на тото, думам, іщы приде пора. Бесідували сме головні о Украіні з часу по выбуху войны, бо то был першыраз, як сме мали нагоду особисто ся видіти з редакторком нашого радия.

Дознате ся ріжных річы, не все приємных, з першой рукы, од безпосереднього обсерватора і участника жытя на Украіні. Не была то легка бесіда. Та жебы веце такых не было, чого желам вшыткым нам, а головні нашій інтерлoкуторці.

Фот. П. Басалыґа

Премєра проґраму в понедільок 3. вересня/септембра, о год. 10.30, повторіня в ночы з 3. на 4. серпня/авґуста о 3.00 год.