Гіст в ЛЕМ.фм – Павло Чучка – перша част – четвер, 21.00 год.

То бесіда, яку провели сме в корчмі «Деца у нотаря» під Ужгородом літом 2024 рока. То така реставрация-музей, де находит ся не лем місце, де мож зісти, але тіж материяльна і духова культура населіня, артефакты, мож повісти – закарпатскій кулінарный (і не лем) мікс.

Павло Чучка, властитель корчмы, то кандидат наук, філолоґ, історик языка, але тіж писатель, поета, а здає, же в своій творчости найвеце реализує ся як сатирик, што будете мочы почути в днешнім інтервю.

В тым же інтервю, в котрым найдеме міц русиньской лексикы з Підкарпатя, а і тото, чом як раз находиме ся в корчмі, што ся зове «Деца у нотаря». Представиме тіж дашто з творчости Павла Чучкы, котру прочытат сам наш гіст, тым самым одошлеме вас до його каналу YouTube. Просиме на першу част бесіды. Друга част – онедолга.