«Голосы Русинів» – середа, 18.10 год.
Пілотне выданя проґраму Голосы Русинів – штотыжденны розговоры на інтересны і актуалны темы з Русинами з цілого світа.
І першым нашым гостьом став музикант і композітор Віктор Янцо з Підкарпатя, шыроко знамый як лідер русиньской музичной ґрупы Рокаш/Rock-H, котрый так само є автором гімны Мукачова і членом Націоналного обчества композіторів Україны.
Поговориме на професіоналны темы, такы як карьєрна путь Віктора Янца, основаня ґрупы Рокаш/Rock-H, творча автентіка і сучасный шовбізніс. Окрім того артіста нам повість бівше о своїм особнім жывоті, о тім, як і чому музика пришла до його жывота.
Так тых тем на бісідованя много, што плануєме на продовжыня і другу часть.
Слухайте «Голосы Русинів» в середу 31-го мая 2023 р. о 18.10 год., або повторіня в четверь 1-го юна а о 4.30 год. і в суботу 3-го юна 2023 р. о 11.00 год. за русиньскым часом.
ТЕКСТ НАПИСАНЫЙ В ПРЯШІВСКЫМ СТАНДАРДІ РУСИНЬСКОГО ЯЗЫК
Ґорлиці 106,6 MHz
Łemkowie są…
