Голосник

«Говорить Пряшів» – пятниця, 18.10 год.

Кєд бы было нормально як все, то бы сме днес сідили в свидницкым амфітеатрі і тішыли ся тогорічном едицийом Русиньского Фестівалю во Свиднику. Было бы і весело, кєд бы ся одбыло і креницкє Бієнале нашой лемківской/русиньской культуры.

Но, тото не стане. Мы нарід, котрый тримат ся своіх привычок, все кладе тиск на традицию, певно не легко зносит тоты всякы зміны, вымушены коронавірусом. Не легко нам бытувати з высоком культуром, коли нашы найліпшы фестівалі сут одкликуваны. Але надія є. Одкликаня, покля што, рівнат ся з перенесіньом подій на осін. Будме доброй мысли, што на осін дакус ся поліпшыт. Підеме ґу культурі, бо не все она сама до нас приходит.

Кєд хочеме культуры з радия, то в нашій передачы все єй много. «Говорить Пряшів» принесе нам дальшы інформациі про нашы культурны подіі, істориі, діячів і інче. Лем будме доброй мысли…

Шеруй.

О авторі

Севериян Косовскiй

Народженый на чужыні. Матуриста з лемківского языка. Завершыл юридичный факультет Вроцлавского Університету. Окрем того што гев, час-до-часу дописує до часопису Бесіда. Головный редактор Лемківского Річника. Любитель давной Лемковины. Годен годинами слуxати про втрачене лемківскє щестя. Контакт: seweryjan@lem.fm

Коментарі