«Говорить Пряшів» – пятниця, 18.10 год.

Засніжыло, забілило, закурило. Так ся стало – вкінци зима. Зато іщы ся нам зацне за літом – гей, певно уж неодолга. Лем жебы сме дождали до свят, бо інакше – што то за святкуваня Рождества без зимовой ауры?

Нич придут свята, першы (про новостильных), то іщы ся затримайме на хвильку і послухайме днешньой пряшівской передачы. Нашом целебритком буде в днешній вечер русиньска журналистка з Підкарпатя, Віра Кобулей.

В Книжници.фм буде Міро Жолобанич і його оповіданя під назвом «Отрокарство». Зас в Перличці надале стріча з ґазетом «Недѣля», котра нам подаст інформацию о чудесных ділах в Люрд і закличе нас на покаяня.

Наконец буде іщы мале припомніня. Припоминка – ту як раз побесідуєме о прядках.