«Говорить Пряшів» – пятниця, 18.10 год.

Кєд бы было нормальні, уж днес запаляли бы сме ювілейну Лемківску Ватру на Чужыні. Певно бы сме ся вшыткы втішыли, в кінци не виділи сме дост долго.

Но, не буде того. Не треба пояснювати чом, вшыткы добрі знаме де причына. Михалівска Ватра буде. По перше пересунена, по другє закрыта для запаленых ватрян. 40. Лемківска Ватра буде зато онляйн, што повинно втішыти вшыткых нашых слухачів, шак радийо в своій істоті єст віртуальном трансмісийом. Привыкли сте до того, од самого початку, коли лем перше радийо на світі задумал Тесля.

Місяц серпен/авґуст то традицийні друга половина вакаций. Част з нас уж по них, час перед, быти може од найблизшого вікенду. Коли ходите всядиль там, де Вас іщы не было, памятайте, же наше радийо николи на Вас не забыват. Не лем днешня, постійна премєра «Говорить Пряшів» є рыхтувана специяльно про вшыткых вандруючых, але і нашы проґрамы нажыво, котры од минулого понеділька, через цілый місяц, будеме про Вас робити під назвом «Ефірне літо нажыво в ЛЕМ.фм».

Так як на знимці горі, не забудте і на спорт. Він на вакациях в сам раз пасує.