Голосник

«Говорить Пряшів» – пятниця, 18.10 год.

Як голосит наш шефредактор, в добі пандеміі найліпше, што ся нам може притрафити, то слуханя без границ радия ЛЕМ.фм. Кєд ся ізолюєме, сідиме заперты в хыжах, радийо повинно фурт грати, жебы было чути аж на другє село, а і жебы в Вашым селі шыбы бренчали.

Через слуханя радия може ся Вам лем поліпшыти самопочутя. Добра музика спричынят настрій, а часом добрый політичный коментар підносит позитивно тиск. Адреналіну любит каждый, она потрібна при одповіднім міркуваню.

Діє ся на світі вельо недоброго. Істория што деякій час любит ся повтаряти. Як ся скінчыт планный час, того не знат нихто. Мусиме будувати авру доброй візиі світа, а напевно буде легше.

В днешнім, премєровым «Говорить Пряшів» нашы пряшівскы камаратя – редакторы, будут голосити лем тото, што чути каждый Лемко повинен. Лем парaдиґмы, котры сут небхідны в нашым бытю. Буде ся діяло, але лем товды, коли міцно накрутите своі радия.

Шеруй.

О авторі

Севериян Косовскiй

Народженый на чужыні. Матуриста з лемківского языка. Завершыл юридичный факультет Вроцлавского Університету. Окрем того што гев, час-до-часу дописує до часопису Бесіда. Головный редактор Лемківского Річника. Любитель давной Лемковины. Годен годинами слуxати про втрачене лемківскє щестя. Контакт: seweryjan@lem.fm

Коментарі