Голосник

«Говорить Пряшів» – пятниця, 18.10 год.

Пришол час, што по долгым часі, полным і смутку, і надіі, зас наша шумна редакция зыйде ся на засіданя – дебатувая. Уж заран будівля Руской Бурсы в Ґорлицях буде розсвітлена зо вшыткых стран світа.

Будеме розправляти на вшелеякы темы. Напевно побесідуєме і про проґрам «Говорить Пряшів», про дальшу спілпрацу з Русин.фм з Пряшівской Руси. Не буде так, же нич з той дебаты не выйде. Напевно будут великы річы. Лемкы мают то до себе, же про мало важны справы ани не розправляют. Цілком на поважні. Повірте.

Так што днес коротко. Веце буде о тыжден, коли здам Вам реляцию. Може дашто дознате ся і з радия протягом тыжня, вірны слухачы. Ним приде до того, треба залучыти днес ЛЕМ.фм, бо в «Говорить Пряшів» самы важны справы. Споминати будеме цінны особистости русиньского руху. Кєд чытате набіжучо наш інформацийный портяль, може уж знате, на кого думам.

На знимці горі: малы і більшы Пряшівяне

Шеруй.

О авторі

Севериян Косовскiй

Народженый на чужыні. Матуриста з лемківского языка. Завершыл юридичный факультет Вроцлавского Університету. Окрем того што гев, час-до-часу дописує до часопису Бесіда. Головный редактор Лемківского Річника. Любитель давной Лемковины. Годен годинами слуxати про втрачене лемківскє щестя. Контакт: seweryjan@lem.fm

Коментарі