Голосник

«Говорить Пряшів» – пятниця, 18.10 год.

Більшіст на червено. Гей, зробило ся нам червено на мапах. Більшіст великых міст і вельо повітів было введеных до тзв. червеной зоны. Пандемія ся змножыла. Не єст добрі.

Мало быти так, же уж заран зышли бы сме ся до Бортного. Припомнути, спомнути на Мелянію Собин. Дакус забыти о тым, што планне, а перенести ся до культурного, творчого русиньского світа. Не повело. Днес дзвонили і гварили, же до Бортного не підеме. Але прити мож в неділю до Руской Бурсы в Ґорлицях. Ґорлицка част Лемківской Творчой Осени ся одбуде.

Фурт мало той культуры. В добі пандеміі є она іщы веце недоступна як скорше. Ани до театру не годен піти. Вера, тоты вшыткы інтернетовы річы не такы самы як на правдивы очы. Ліпше ся видит тото, што і мож діткнути.

Віриме, што з радийом ЛЕМ.фм сме годны перейти найтяжше. Болізн кажда нам не страшна. Про брак культуры не гвариме, бо знаме, же в «Говорить Пряшів» єй много. Залучте днес о 18.10 год. Наставте антены. Буде культурально і мудро. Як все, Пряшівщане нас не заведут.

Шеруй.

О авторі

Севериян Косовскiй

Народженый на чужыні. Матуриста з лемківского языка. Завершыл юридичный факультет Вроцлавского Університету. Окрем того што гев, час-до-часу дописує до часопису Бесіда. Головный редактор Лемківского Річника. Любитель давной Лемковины. Годен годинами слуxати про втрачене лемківскє щестя. Контакт: seweryjan@lem.fm

Коментарі