«Говорить Пряшів» – пятниця, 18.10 год.

Як то повідают досвідчены, але неконечні стары люде – такой зимы то мы давно не памятаме. І то покус правда, кєд наша памят може быти не за добра. А кєд добрі тямиме, то досправды давно не было такого рока, жебы зима была порядна на обшыри такой цілой Польщы. Бо же на Лемковині все то іщы было гідні, на чужыні уж за добрі не бывало.

Но так – зас ся вказує, де нам ліпше жыти. Мороз потрібный вшыткым нам – треба, жебы выбило вшыткы тоты заразкы, тоты нечысты силы. А сам сніг тіж нам потрібный. Найвеце тішат ся діточкы, але і часом тоты старшы – веце досвідчены. Найгірше лем з тым, же кєд ся выберете до міста, та вшыткы ходникы будут сілю посыпаны, а она вам черевікы – скірні, понищыт, же треба буде о них задбати.

Факт єст такій, же за остатні дни зима єст більша на Лемковині і чужыні як в Пряшові. Кус тото чудне, але досправды. Хто не вірит, най сой пізрит на проґнозу. Морозити – морозит. Але не так як на Лемковині. Вперло ся і так і оно єст.

Тым слухачам, што дакус студено, на огрітя приносиме теплый, тілько што зробленый – «Говорить Пряшів». Свіжый, новый одтинок уж о 18.10 год. Слухайме вєдно, што нам братя Пряшівщане засервуют.