«Говорить Пряшів» – пятниця, 18.10 год.

В нашым проґрамі, што нам го дают камаратя з Пряшова, все чуєме про ріжны культурны подіі, якы одбывают ся в обшыри русиньской культуры. На тот вікенд маме про вас пропозицию на Лемковині.

Пакуйте своі тоболкы і придте на землю вітців. Найперше привитат вас Крениця, курортне місто, де окрем чыстой як слеза воды годны сте дати си пивце. Редакторы нашого радия не раз уж прібували і помогло на всякы болезни.

Пак ся заберете до Ґорлиц, де погостит вас Руска Бурса ім. Богдана Ґамбаля. Культура в порогах той будівлі была од самого 1908 р., зато – наопак інчым подіям, не іде там лем о гулянкы і «уся-сюся».

Рады вас будут витати найстаршы ґазды той подіі, вєдно з одвічным председом. Просиме і видиме ся дораз на Лемковині. Перед тым лем выслухайте днешню авдицию.