«Говорить Пряшів» – пятниця, 18.10 год.

Нич ся встигнеме пізрити дозаду, зас приходит ґу нам пятниця. Скоро, може аж і за скоро. Не порадиме, лем мусиме іти разом з течыньом того часу, котрый єдным потрібный, бо ціль скорше мож осягнути, а другым вадит на каждым порозі.

Найперше в днешній передачы дашто собі згадаме. В «Припоминці» припомянеме собі стародавный і славный русиньскій монастыр на Чернечій Горі коло Мукачева, в котрым жыл і Анатолий Кралицкій.

Почуєме і о Івані Бровдію. То підкарпатскій русиньскій маляр, скульптор, монументалиста, автор бронзового карпатского медведя – русиньского оскара, котрый є передаваный лавреатови преміі ім. Александра Духновича за русиньску літературу. В «Перличці» буде выімок з ґазеты «НедѢля». Припомнеме, же як в неділю ідете до церкви, та треба іти до церкви, не стояти коло церкви.

Зато в «Книжници» прочытаме вершы сучасной підкарпатской русиньской авторкы Анны Косак.