«Говорить Пряшів» – пятниця, 18.10 год.

Штотыжньовы обовязкы не миняют ани нас. Редакция лемківскых медий не спит, не сідит дармо, ани не перераблят дукатів, жебы лем переробити. Радийо з концепцийом то радийо про слухачів.

Наша концепция єдина. Знаме, што в єдности сила, тым паче заходиме тримати звязкы з сусідами Руснаками.

Такій звязок, без ниякых проблемів, од зачатку наше радийо тримат з радийом Русин.фм. Хоц офіцияльно іх сідиба в Братиславі, та они фурт лем на рідну Пряшівщыну думают. Тото парнтерство діє в дві страны. Они памятают на автохтонных жытелів Лемковины, памятают на доказы нашой єдности, силы. Не раз, не два, як раз в проґрамі «Говорить Пряшів» споминают на нашых великых люди, уродженців лемківской землі, котры записали вельо для нашой спільной культуры – русиньской.

Культуротворны процесы сполнят лемківскє радийо. Так приймийте тот добрый пакєт нашой взаімной спілпрацы і залучайте по 18.10 год. премєрову авдицию. Памятайте – мы єден нарід. Такій як в Прашові і Ужгороді.