«Говорить Пряшів» – пятниця, 18.10 год.

За нами Лемківска Ватра на Чужыні. Єдным ся подабало, другым меньше, а іщы были такы, што ся кус сварили. Лем памятати мусиме, што не кажда свара мусит ся кінчыти бідом, а мож з ней дакы высновкы мати і на другій раз ся дакус стеречы.

Но, в каждым разі было достойні, як іде о само розпаліня ватры і упамятніня нашых дідів, якы встигли вродити ся іщы дома – на Лемковині і памятают тернистый 1947 рік.

Вартат си тыжден по ватрі дати дальшу порцийку культуры. Зато рыхтуєме про вас і кличеме на «Говорить Пряшів». Днес почуєме о особі Петра Павла Ороса, русиньского новомученника, котрый буде выголошеный за блаженого католицкой Церкви (шырше писали сме о тым на нашым портали в текучым тыжни).

В «Книжници.фм» выслухаме «Глас Русинів» Будителя Александра Павловича. Зато в ґазеті «Недѣля» будеме рішати пекучый вопрос. Русины пішли на жнива на мадярьскы землі, а не зробили там добру рекляму…

В «Припоминці» повіме собі о наймолодшым поломницкым місци Русинів на Словациі – Горі Звір в Литмановій.