«Говорить Пряшів» – пятниця, 18.10 год.

Приносиме вам дальшу порцийку добрых інформаций, вшыткых тых, што іщы не знате, а і такых, якы треба собі одсвіжыти.

Днес нашом целебритком буде Клавдия Алексович, перша дама нашой лемківской літературы. Дальше в «Книжници.фм» выслухаме вершів од Мариі Підгірянкы. «Перличка» принесе нам фалаток інформаций з ґазеты «НедѢля». Достанеме поясніня, якыма спортами ся має занимати наша молодіж. То може быти цікава част.

«Припоминка» – маме про вас тіп на літній тип – іти посмотріти на замок Тібава недалеко нашого села Підгород.