«Говорить Пряшів» – пятниця, 18.10 год.

Ден до дня і робит ся округлый тыжден. В повіртю чути уж яр, то і якоси ліпше нам ся зносит тоту кварантанну. Але фурт рекомендуєме остати з нами. Радийо то місце, інституция, люде, котры все знают заняти, розвеселити, зацікавити другых.

В нашій проґрамовій розписці уж од давна гостит поучытельна авдиция «Говорить Пряшів». Все плянувана єст на вечер – так, жебы зачати вікенд. Повідают, што пятничка то уж малый вікенд. Але такій як суцо правдивый – зачынаме все під вечер. Прото стрічаме ся хвилю по вісемнадцетій.

Як все, привитат Вас редактор Петро Медвідь з порцийком інформаций в «Культурным калейдоскопі». Дальше приведе целебриту, якій Русином не был, але записал ся в нашій істориі. Бесіда про Франтішка Немеца.

В «Книжници.фм» Ігор Латта прочытат выімок з творчости Анатолия Кралицкого. В «Перличці» познаме єдну архівну статю з підкарпатской ґазеты «Нова неділя». Наконец, приголосит ся іщы Теодозия Латтова зо свойом авторском частю «Припомінка».


Приносиме актуалны інформації з русиньского середовиска і нелем з нього. З нашыма справами будете все актуално інформованы о найважнішых подіях і з Културным калеідоскопом вам не втече жадна културно-сполоченьска акція у вашім реґіоні.

Повязаны дописы

Коментарі

Польковиці 103,8 МHz
Ґорлиці 106,6 MHz