Голосник

Іґор Куцер зачінать далше турне

Іґора Куцера і його Emotion Group русиньскій публіці, головно на Словакії, вже не треба даяк екстра представльовати. З його нетрадічным проєктом „Igor Kucer Emotion Group – presents songs by Andy Warhol’s mother Julia Warhola“ вже концертовав вецераз.

Тот музичный проєкт выникнув на основі автентічных записів матери Енді Варгола – Юлії Завацькой, котра вдяка ініціатіві свого сына „Андрія“ наспівала у 50-тых роках минулого столітя на платню в штудію у Пітсбурґу автентічны русиньскы народны співанкы. Тоту платню пізніше загнала як дарунок під ялічку на Рождество родині „до краю“, як звыкла бісідовати о своїй отцюзнині. Співанкы были переаранжованы і переспіваны ґрупов Igor Kucer Emotion group в штілі „world music“. Куцер мав амбіцію внести новый жывот тотым прекрасным співанкам, котры одмаленька слухав і сам Енді Варгол, і хотів їх принести в „новых шматах“.

По успішнім минулорічнім турне ся теперь Іґор Куцер вертать на концертну сцену. В складі ґрупы Іґор Куцер – спів, Петер Угер – електрічна і нілонова ґітары, Петер Адамковіч і Лукаш Цінтула – піано, Браніслав Валаньскый – басова ґітара, Матєй Ріхтарчік – бубны і Мірослав Сірмай – перкусії, од апріля до юна перейдуть майже цілу Словакію. Приносиме вам перегляд напланованых концертів. Може собі выберете місце і датум, котры вам будуть пасовати.

02.04. – Братіслава, A4 – nultý priestor, 21.30 год.

07.04. – Топольчаны, Štúdio SKDK, 18.00 год.

08.04. – Баньска Щавніця, Archanjel caffe bar, 21.00 год.

09.04. – Жіліна, EMÓCIA Gallery and Caffe club, 21.00 год.

14.04. – Брезно, BOMBURA klub, 20.00 год.

15.04. – Нове Місто над Вагом, Blue Note jazz club, 20.00 год.

16.04. – Мартін, Mestská scéna, 20.00 год.

21.04. – Михалівці, Vináreň u Zlatého Býka, 19.00 год.

22.04. – Пряшів, Театер Александра Духновіча, 19.00 год.

28.04. – Кошыці, Tabačka kulturfabrik, 20.00 год.

29.04. – Гуменне, Nostalgia music pub, 21.00 год.

30.04. – Попрад, Hodovňa, 21.00 год.

28.05. – Свідник, Фестівал културы Русинів Словеньска, 21.00 год.

23.06. – Бардейов, Chianti wine and coffe bar, 21.00 год.

24.06. – Міджілабірці, 54. Русиньскый фестівал културы і шпорту, 18.00 год.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА

Шеруй.

О авторі

Петро Медвідь

Народженый в центрі Пряшівской Руси, в місті Пряшів. Локалпатріот. Актуалну тему з його точкы погляду мож чути каждый четверь в проґрамі Вступне до контроли о 18.10 год. Каждый робочій день од 8.00 год. мож слухати його Корзо, в котрім вас возьме до світа актуалной політікы. Контакт: petro@lem.fm

Коментарі