«Інтересувало ня тото, жебы выставити драму» – Копча споминат на початкы СЛ – субота, 14.00 год.

Перед трьома тыжнями в нашым радию вызвучало інтервю нашого редакцийного колеґы Мирка Воргача з ведучым СЛ Андрийом Копчом про історию Лемківской Ватры на Чужыні. Як раз того рока одбыла ся «пандемічна» ювілейна, 40. михалівска Ватра.

Хоц Ватра і Стоваришыня Лемків то єдніст, днес хотіл бы-м запросити Вас на моє інтервю з председом Копчом выключно про історию той найстаршой повыселенчой лемківской орґанізациі, котрій шефує од самого зачатку. A істория того общества сильно звязана і з першыма Лемківскыма Ватрами в Горах…

Може ся дакому здавати, же быти председом єст такє легкє. А то не така проста справа. Часом легко приходит оцінити нам другого чловека, нарікати на тото ци інче. Андрий Копча не мат про тото до никого жалю. Жытя ся так поскладало, што то як раз він взял на себе перед тридцетьома роками шефуваня єдній з найважнійшых лемківскых орґанізаций в Польщы. І тягне тото, на міру своіх можливости, жебы не бракувало Лемкам іх рідной, лемківской культуры.

Шеф то єдно. Другє то тото, на чым ся знат, а што і барз любит. Андрий Копча то театральный і фільмовый режысер і драматурґ. Зато звідаме ся го про його драмы, котры влони явили ся в книжковым выданю, з нагоды його 65. річниці народжыня.

Кєд сте цікавы, ци сме рішыли іщы дашто, так придте ґу нам на стрічу. Зачынаме о 14.00 год., в суботу, 10. жолтня/октобра 2020 р.