Спомины і провокациі ведучого Копчы під зеленом грушом – субота 14.00 год.

Тогорічна 40. Лемківска Ватра на Чужыні в Михалові была выняткова з вельох причын. Не лем зато, же была ювілейна, лем же могло єй взагалі не быти зо взгляду на пандемію CОVID-19 і ограничыня, якы ввела державна влада што до чысла участників.

Орґанізаторы подіі – Стоваришыня Лемків, мусіли достосувати ся до вымогів і впущали на Ватру лем з запрошынями, а для решты любителів лемківской культуры і Ватр самособом придбали, жебы была она трансмітувана онляйн.

Тепер запрашам Вас на бесіду з ведучым Стоваришыня Лемків Комітету Орґанізацийного паном Андрийом Копчом, котру будете мочы слухати в суботу 19. вересня/септембра 2020 р. о годині 14.00. Ведучый Копча пояснит нам, чом Ватр і огниск было сорок, а не сорок дві. Чом ся ріжнит Ватра од огниска ? Што ся подіяло, же Ватра є розпаляна в Михалові, а не во Вроцлаві ци Кракові, і чом Ватра была XXXX, а не XL, і по што охорона на Ватрі?

Тепер запрашам Вас слухати заяву бесіды з орґанізатором Ватр в Михалові.

Цілу бесіду почуєте в радию Руской Бурсы на частотах: 106.6 МГз в Ґорлицях, 103.8 МГз в Польковицях i в цілым світі онляйн на www.lem.fm.