Голосник

Інтервю з Ігорьом Гербутом – середа, 20.30 год.

Дня 2. мая, вчас святкувань Днів Ґорлиц, выступил ансамбль ЛемОН. В половині вересня минулого рока Містецкій Уряд в Ґорлицях на ґамбокнижковым профіли попросил жытелів голосувати на звізду Днів Ґорлиц. Спосеред шестьох ґруп то як раз ЛемОН был выбраний през жытелів Ґорлиц і околиц. Нашому радию повело ся провести коротку бесіду з лідером ґрупы, Ігорьом Гербутом. Стрітили сме ся в сали Уряду Міста одраз перед концертом ансамблю. Як проходила наша бесіда, чым для Ігоря є Лемковина, де находит ся його мала отчызна, з чым являют ся му Ґорлиці, і як однаходит ся зо звойом музыком і вражливістю в медияльным світі – вшытко дознате ся в нашым радию.


Премєра: 10. мая о 20.03 год., повторіня в четвер 11. мая о 2.30 та в суботу 13. мая о 15.00 год.

ЛемОН

 

Шеруй.

О авторі

Моніка Тылявска

Абсольвентка росийской філолоґіі з русиньско-лемківскым языком Педаґоґічного Університету в Кракові. Член Стоваришыня Руска Бурса в Ґорлицях. В лемківскым середовиску барже знана як Настка. Любителька Лемків і іх культуры. Єдина Полька в редакцийным ансамбли.

Коментарі