Карпаторусиньске общество має вже 20 років

Од 25-го апріля до 27-го апріля 2014 р. будуть в Споєных штатах Америкы Русины святковати 20. ювілей заснованя Карпаторусиньского обчества (Carpatho-Rusyn Society). Святкованя одбуде ся в Народнім Карпаторусиньскім културнім і освітнім центрі (Carpatho-Rusyn Cultural  and Educational Center) в Мунгалі, в Пенсілванії.

Карпаторусиньске общество выникло в 1994 році і його цільом є утримованя і всокочіня свойой русиньской културы, історії, языка і наслідства їх русиньскых предків. Зато общество притовлює многы културны події, але і зберать історічны, ґенеалоґічны, языковы і етно-културны інформації о Карпатьскых Русинах.

Вшыткы Русины, ці Підкарпатьской Руси, Пряшівской Руси, Лемковины або Войводины, котры жыєте в Америці, або там в тім часі будете, можете прийти міджі своїх і святковати вєдно з тыма, котры мають своє коріня на нашых вітцівскых теріторіах.

Петро Медвідь

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫК