З ініциятивы молодых Лемків, якы шануют памят про своіх предків, завязала ся незалежна ґрупа люди при ансамблю Кычера з Ліґниці, што підняла спільно рішыня, жебы сохранити гробы і цмонтері од знищыня і непамяти. Призриме ся іх тяжкій роботі.
Тепер запрашам Вас на бесіду з єдным з участників проєкту ремонтуваня лемківскых памятників – Павлом Ханасом, котру будете мочы слухати 3. жолтня/октобра 2020 р. о годині 14.00. Павло пояснит нам, кілько роботы і завзятости треба, жебы выремонтувати хоцкі єден желізный, ци з піскового каміня крест, якій лежал в воді і траві, дост часто дрыленый через дерево уж парудесят років тому. Павел бесідує, што волонтеры мило виджены і кажда пара рук придаст ся до помочы при роботах, а хто не може, або не має часу помочы, все може фінасово підпорити тот проєкт, бо треба гідні грошы на будовляны материялы і інче нарядя ци машыны.
(фото: Петро Басалыґа)
Тепер запрашам Вас слухати заяву бесіды з ініциятором ремонту цмонтеря в Лабовій.
Цілу бесіду почуєте в радию Руской Бурсы на частотах: 106.6 МГз в Ґорлицях, 103.8 МГз в Польковицях i в цілым світі онляйн на www.lem.fm.
Коментарі