Голосник

Комунікат: Богдан Ґамбаль в тяжкым стані

В звязку з тым, што в остатнім часі дотерают до нас чысленны звіданя, тыкаючы здравотного стану Богдана Ґамбаля, рішыли сме дати офіцияльный комунікат.

Ведучый Стоваришыня «Руска Бурса», наш шефредактор і основатель нашого радия, од половины марця находит ся під специялистичном медичном опіком. Його стан дохторі окрисляют як поважный.

Остаєме в надіі, же стан Богдана ся поправит і же верне до нашого колективу і до русиньского середовиска. Ситуацию додатково комплікує надзвычайный стан епідеміі, зато тым більше просиме о молитву і позитивны думкы.

Просиме вас, жебы сте тепер не жадали дальшых інформаций зато, што хочеме хоронити приватны справы Богдана і його родины та найблизшых.

В імени радия і порталю ЛЕМ.фм – Петро Медвідь

Шеруй.

О авторі

редакция

radio@lem.fm ul. Sienkiewicza 28 38-300 Gorlice

Коментарі