Концерт ансамблю ЛемОН в Креници

Неодолга курорт Крениця запропонує одпочываючым в зимовым періоді гостям не лем сніжно-спортовы атракциі. Од 18. січня т.р. на креницкых сценах выступлят знаны артисты і ансамблі польской сцены рок, реґе, блюс, м.ін.: Перфект, Лейді Панк, Культ, Джем.

Посеред звізд находит ся тіж наша звізда – ансамбль ЛемОН з лідером Ігорьом Гербутом, котрий выступит 21. лютого о 19.00 годині. Послухайте, як Ігор здравит слухачів радия лем.фм:

Білеты мож придбати в креницкых культурных центрах Крениці – Головній Пияльни і цифровым кіно “Яворина” та через інтернет. Більше інформаций на сайті krynicazrodlemkultury.pl і долов.