Концерт ірмосів в Кракові

Днес, то є 6 грудня, о год. 17.30 в православній церкви пп. Успіня Прествятой Богородиці в Кракові одбуде ся концерт ірмосів – православных літурґічных пісень, якы заспівают Наталія Половинка, Юлія Цвях і Назар Романюк з Театрального Осередка Слово і Голос зо Львова. 

Центр Слово і Голос покликано, жебы утворити місце на Украіні, в якым буде можна навчыти ся як в практыці лучыти традицию зо сучасным театром.

Єдным з його артыстычно-антрополоґічных проєктів є Ірмос – голосово-словна можливіст контакту з Богом перез співаня ірмосів. Артыстычным директором проєкту є Наталія Половинка, лавреатка Державной Нагороды ім. Тараса Шевченкы.