Краківска каплиця, запроєктувана Юрийом Новосільскым, остане неодолга заперта
Екуменічна каплиця, діяюча при Фундациі св. Владиміра в Кракові, остане в протягу двох тыжнів заперта. Остала запроєктувана через знаного маляря і іконописця лемківского походжыня Юрия Новосільского.
Як пише інтернетовий сайт wyborcza.pl, рішыня тыкат орґанізациі Світовых Дни Католицкой Молодежы, котры будут проходити в столици Малопольщы в 2016 році. Каплиця находит ся в будинку, котрий належыт до Митрополитальной Капітулы Католицкого Костела на Вавели. Як інформуют представникы краківского митрополитального уряду, каплиця мусит быти перенесена, понеже бракує місця на поміщыня орґанізаторів Світовых Дни Католицкой Молодежы.
Скоро зареаґували противникы ідеі перенесіня каплиці, котры замістили в інтернеті офіцияльну петицию о зміну того рішыня, домагаючы ся лишыня єй в теперішнім місци при ул. Канонічій. Петицию мож найти за тым мотузком.
(Фото: wikipedia.org)
Ґорлиці 106,6 MHz
Наш порталь можете чытати чысто дармо, але кєд маш охоту - можеш нас спомочы. Буде нам барз мило!
Жебы спомочы нас даком вплатом, без ниякых зобовязань, втисний притиск або зоскануй код QR.
Nasz portal jest darmowy, nie mamy (i nie chcemy) na nim reklam. Jeżeli masz ochotę - możesz wesprzeć naszą codzienną pracę.
Aby wspomóc nas jednorazową wpłatą, bez żadnych zobowiązań, kliknij przycisk lub zeskanuj kod QR.
