Лем.фм уж знат, як выглядат забытковий іконостас з церкви в Лабові!
Вчера (02.09), інформували сме на нашым портали, же в грекокатолицкій церкви в Лабові одкрыто забытковий іконостас, котрий находит ся на поді спомненой святыні. Мило нам поінформувати ден по тій вісти, же мы уж знаме як сес іконостас выглядат!
Радийо і інформацийний порталь лем.фм як першы приносят для Вас знимкы того іконостасу! Пізрийте на залучену долов фотоґалерию авторства спілпрацівника лем.фм – Даміана Новака (знимкы зроблены ярю 2015 р.).
На жаль, такых місц як тото на териториі Лемковины єст іщы вельо. Здекомплетуваны і порозбераны елементы сакральной штукы Русинів залігают і нищіют на поді неєдной полемківской церкви. Старайме ся о тото, інтервеніюйме – мы, Лемкы, жебы привертати іх на своі місця. А кєд знате дашто о подібных справах, пиште до нас на адрес radio@lem.fm.
Повязаны дописы
Ґорлиці 106,6 MHz
Наш порталь можете чытати чысто дармо, але кєд маш охоту - можеш нас спомочы. Буде нам барз мило!
Жебы спомочы нас даком вплатом, без ниякых зобовязань, втисний притиск або зоскануй код QR.
Nasz portal jest darmowy, nie mamy (i nie chcemy) na nim reklam. Jeżeli masz ochotę - możesz wesprzeć naszą codzienną pracę.
Aby wspomóc nas jednorazową wpłatą, bez żadnych zobowiązań, kliknij przycisk lub zeskanuj kod QR.
