Лемківска Ватра в Михалові має для Тя конкурс!

В рамках тогорічной XXXV Лемківской Ватры на Чужыні в Михалові, котра буде проходила в днях 7.-8. серпня т.р., орґанізоторы рыхтуют для ватровичів конкурс! То конкурс про культуру, історию і язык Лемків, зложений з двох части. Перша тыкат ся одповіди на три просты звіданя, од котрых залежыт аванс до дальшой, другой части конкурсу, яка одбуде ся уж в часі тырваня михалівской ватры. Отже, як заявляют орґанізаторы, конкурс остаточні буде провединий в другій ден Лемківской Ватры на Чыжыні, т.є. в суботу, коло 17.30-18.15 годины. Заохочаме взяти участ!

Долов залучаме конкурсовий реґулямін:

Конкурс знаня лемківской істориі, культуры і языка

Орґанізатор: Головний Заряд Стоваришыня Лемків
Ціль: Заохочыня до досліджаня жытя і культуры Лемків.
Коли і де: 2 ден (субота) Лемківской Ватры на Чыжыні в Михалові (8.08.2015 р., поч. 17:30 до 18:15)
Конкурсовы звіданя: будут барз просты.
Кункурс буде ведений в лемківскым языку.
Зголошуваня участників: принимаме під адресом: info@stowarzyszenielemkow.pl
Кількіст участників: макс. 11 осіб (рахує ся, хто перший ся зголосит, як і правильніст одповіди на речены долов контрольны звіданя)
Нагороды: дрібны дарункы отримают вшыткы закваліфікуваны участникы конкурсу. 3 особы, котры здобудут найвекше чысло пунктів, останут угоноруваны специяльныма нагородами та выріжнінями.
Цілю закваліфікуваня ся до кокрусу, просиме о одповід на речены долов звіданя:

В котрым році было зареґіструване Стоваришыня Лемків і хто был його першым ведучым?
Хто єст шефредактором часопису “Бесіда”?
Якы кольоры видно на лемківскій фані і што они значат?

(Майл о назві: ЗГОЛОШЫНЯ ДО КОНКУРСУ ВАТРА 2015 р. В майли просиме о написаня пару слів про себе. Мено, Назвиско, Вік, е-майльовий адрес, конктаковий телефон)

УВАГА!!! В конкурсі не можут брати участи члены Головного Заряду Стоваришыня Лемків.

Лемківска Ватра на Чужыні єст орґанізувана Стоваришыньом Лемків. То Ватра о барже патріотычным характері. Што важне, то ватра не лем з назвы лемківска. Хоц обдыват ся на чужій для нас земли, має она свій климат і што рока притігат пару тисячів осіб.

В тым році мусиш быти і ТЫ!

За тым мотузком можете одвидіти сайт Лемківской Ватры на Чужыні, на котрым неодолга явит ся проґрам тогорічной едициі.