Лемківскій Кєрмеш в америцкым Йонкерсі

Традицийно, Карпаторусиньскій Америцкій Центр «Lemko Hall» просит на свою шторічну подію «Лемківскій Кєрмеш», котрa пройде 23. жолтня/октобра т.р., в Йонкерсі, штат Ню Йорк (1 Grace Avenue, Yonkers, New York 10701). Як влони, на Кєрмешы заграт русиньскій ансамбль Vox Ethnika Band,, котрий фунґує в ЗША.

Місто Йонкерс і його околиці находячы ся в штаті Ню Йорк то до днес великє скуписко русиньской еміґрациі. То там на переломі XIX і ХХ ст. родила ся русиньска діяльніст серед товдышньой інтеліґениці. Топонім Йонкерс в Старым Краю тямит ся з Американьскым Карпаторускым Центром, з котрым повязаний был долгы рокы і Симеон Пыж, особа котра в меморандум до уряду Польской Народной Республикы постулювала дозволити Лемкам вернути на рідны землі, дати ім можности вчыня діти в рідным языку і реліґійну свободу. В 1936 році до Ню Йорку была перенесена редакция ґазеты «Лемко», котра початково находила ся в Клівленд, штаті Огайо. Наконец редакция нашла місце працы в русиньскій інституциі культуры в Йонкерс. Там находила ся і печатня Лемко Союза, котра выдавала не лем ґазету, але і інчы выданя. В Йонкерс і околичных місцевостях доднес находит ся вельо православных та грекокатолицкых храмів, ґу котрым приналежат Русины з цілой Карпатской Руси, але точно серед них находят Русины з Лемковины. Прото Йонкерс од все тямит ся з міцным осередком лемківской політичной інтеліґениці в ЗША.

фот. горі: участникы і торт влонішнього Лемківского Кєрмешу в Йонкерсі;

Долов – Vox Ethnika Band в русиньскій співацнці Мила моя. 

https://www.youtube.com/watch?v=CVyqR1lAiXA

За тым мотузком находит ся книжка печатана з нагоды 25-літя Карпаторисиньского Американьского Центру «Lemko Hall» в Йонкерсі.