Лемківскій пікнік в Гартсдейль (Hartsdale, NY)

Може буде злива, ачий сонце, берте родину, возте тіж приятелів! Каждого красні просиме! – так орґанізаторы просят на лемківскій пікнік, котрий одбуде ся в Гартсдейль (Ridge Road Park, 287 Ridge Road, Hartsdale NY 10530).

На місци найдете напиткы і ідло ріжного рода, але напевно, хоц в приємным товаристві вшытко добрі смакує, найліпше Вам ся будут любити лемківска кобаса і капустичка.

Зато уж тепер резервуйте сой свобідне недільне пополудне 21. червця 2015 р., жебы прити до парку коло Гартсдейль (то лем парудестят кілометрів од Ню Йорку, а з Йонкерс ачий на ногах мож дійти!) на лемківскій пікнік.

Більше інформаций найдете долов на плякаті.