Лемківскій Вечер: др Тадеуш Лопаткєвич буде бесідувал про етноґенезу в Карпатах

Як уж сме інформували на нашым портали, днес, т.є. 2. вересня/септембра, в Коросні буде проходила подія з циклю «Лемківскій Вечер», названа Стрічами на Бескіді, котру буде вюл др Тадеуш Лопаткєвич, а ансамбль А Де То Давнійше Строіло прикрасит го музычным концертом. Уж знаме більше деталів про тоту подію.

Др Тадеуш Лопаткєвіч, етноґраф, буде бесідувал о періоді XIV-XVIII ст. в Карпатах і о етноґенезі рільничо-пастырского населіня в тій обшыри. Стрічы, котры маме в наголовку, односят ся до стрічы вандруючых луком Карпат Волохів з ґаздами з долин, церковном орґанізацийом, королівскыма урядниками і земельном властністю. В доповіди др Лопаткєвич не буде зосереджал ся на поєдных такых стрічах, а на загальным влияню та ефектах в культурі, якы были результатом змішаня ся ґруп люди о ріжных способах ґаздуваня, языку, реліґіі.

Музычну част вечера выполнит коросняньска ґрупа А Дe Тo Давнійше Строіло. Як заявляют орґанізаторы – не бракне лемківскых пісен, а тіж і лемківской кухні. Кєселицю, мастило, адзимкы та інчы прирыхтує бар Моніка, в якым четвертий раз стрітят ся симпатикы Лемковины і Низкого Бескіду.

Коросняньскы вечеры уж од першой стрічы тішат ся з великым заінтересуваньом. Публика то переважні люде добрі зазнаємлены з темом, інтенсивні і свідомі вандруючы по горах, цікавы вшыткого, што іщы можут дознати ся про історию Лемковины і Низкого Бескіду.

Початок стірчы то 19.30, бар Моніка находит ся при ул. Ґродзкій 17 в Коросні. Орґанізатором єст ансамбль АДТДС.