ЛемПарти2 в Ґладышові

В суботу, 5. марця т.р., в селі Ґладышів на середній Лемковині, одбуде ся наступна молодіжна забава пн. ЛемПарти2, котра пройде в пожарничій ремізі. Початок од 20.00 год., а вступне то 10 зл.

То час, коли школярі і студенты скінчыли фериі і зарахували сесиі. Окрем того, ґладышівска забава то єдна з послідніх імпрез в марци т.р., на Лемковині, даюча змогу добрі ся выбавити перед приходячым Великым Постом.

Орґанізаторы звертают ся до осіб, котры знают грати на вшелеякых інструментах, жебы взяли іх зо собом на ґладышівскє ЛемПарти2.

Перше ЛемПарти зобрало близко 50 осіб з цілой обшыри Лемковины. Были то молоды Лемкы, котры одраз по Різдяных Святах і Филиповым Пості хотіли привитати Новий і попращати Старий Рік. Не дайте ся просити і зас придте чыслено до Ґладышова!

За тым мотузком можете пізрити на короткій фільмик, промуючий попереднє ЛемПарти.