Літня та зимова туристыка в Креници і околицях. Давно і днес

Днес в Креници буде проходила стріча в рамках проєкту Попри желізовых водах. Минуле в креницкым курорті (U szczaw żelazistych. Obrazy z przeszłości uzdrowiskowej Krynicy). Тым разом выголошена буде прелекция пн. Літня та зимова туристыка в Креници і околицях. Давно і днес.

Прелекцию выголосит др Славомир Доброцкій і мґр Павел Бжеґови з Інституту Ґеоґрафіі Педаґоґічного Університету в Кракові. Прекелция адресувана єст до курациюшів, але і жытелів Крениці.

З кінцьом лютого т.р. Інститут Ґеоґрафіі Педаґоґічного Університету в Кракові разом з Публичном Бібліотеком в Креници та Курортом Крениця С.А. зачали реалізацию проєкт Попри желізовых водах. Минуле в креницкым курорті. Проєкт то цикль десятьох популярно-науковых доповіди (єдна на місяц) і дискусиі про історию, ґеоґрафію, ґеолоґію та про природолікувальны традициі в долині Креничанкы. Безплатны прелекциі адресуваны сут до вшыткых заінтереуваных. Доповіди рыхтуваны сут дослідниками, докторантами та фахівцями, зазнаємленыма з криницком темом.

Наукове покровительство над проєктом тримают др габ. Божена Плонка-Сирока, проф. УМВ, проф. ПАН з Медычного Університету во Вроцлаві – выдатний авторитет з обшыри істориі медицины та европейксой курортной культуры, та др Славомир Доброцкій з Педаґоґічного Університету в Кракові. Др Доброцкій, котрий дітиньство і молодіст провюл в Крецници, єст автором парох польско- і анґлицкоязычных розправ, повяченых креницкій темі.

Поєдны прелекциі збогачаны сут шувном кількістю знимок і документами з епохы. Найблизша доповід – уж днес, 18. марця 2016 р.,  о 16.00 год. в Санаториі Абатон (ул. Ціха) в Креници.