Малий язык, велика тема
Інститут Західньой і Полудньовой Славістикы Варшавского Університету та Науковий Кружок Славістів ВУ просят на продолжыня сериі стріч «Малий язык, велика тема», присвяченых (не лем славяньскым) меншыновым языкам з обшыри Славяньщыны.
Гостьом першой з тогорічных стріч буде Марта Ватраль, докторантка в Інституті Східньославяньской Філолоґіі Ягайлоньского Університету та лемківска діячка. Темом єй доповіди буде язык, культура та література Лемків.
Отворены выклады «Малий язык, велика тема» то серия стріч з активістами і діячами культуры, што походят з меншыновых соспільности, та дослідниками, якы ся занимают языковыма меншынами шыроко пониманой Славяньщыны. Тема стріч, хоц лінґвістична, зосереджат ся не лем на описі языків як такых, але тіж – а аж і передовшыткым – звязках языка з культуром, достоменністю ци політиком.
Стріча з Мартом Ватраль пройде 26. квітня/апріля 2018 р. о 17.00 год. в Інституті Західньой і Полудньовой Славістикы ВУ.
Повязаны дописы
Ґорлиці 106,6 MHz
Наш порталь можете чытати чысто дармо, але кєд маш охоту - можеш нас спомочы. Буде нам барз мило!
Жебы спомочы нас даком вплатом, без ниякых зобовязань, втисний притиск або зоскануй код QR.
Nasz portal jest darmowy, nie mamy (i nie chcemy) na nim reklam. Jeżeli masz ochotę - możesz wesprzeć naszą codzienną pracę.
Aby wspomóc nas jednorazową wpłatą, bez żadnych zobowiązań, kliknij przycisk lub zeskanuj kod QR.
