Малопольска Туристична Орґанізация на своім офіцияльным фанпейджы на Фейсбуку оголосила конкурс про атракцциі Ґорлицко-Сандецкого реґіону. Орґанізация звідує о три місця/объєкты, котрым єдным з них є і лемківска церков. Іде о грекокатолицку церков Покровы Пресвятой Богородиці з русиньского села Рыхвалд на середній Лемковині.
- “Którą atrakcję regionu Gorlicko – Sądeckiego chciałbyś zwiedzić?
A) drewnianą cerkiew w Owczarach,
B) zabytkowe centrum Biecza,
C) malowniczy Beskid Sądecki.”
Орґанізаторы просят, жебы одповіди – конечні з поясніньом – вписувати в коментарях під постом на фанпейджы МТО. Найліпшы зголошыня будут нагороджены. За перше місце передвиджено кошельку з ляхівскым серцьом, а лавреаты ІІ-ІV місця отримают ориґінальны малопольскы коралі.
Малопольска Туристична Орґанізация жде на зголошыня до 29.марця т.р., до 23.59 год. Конкурсова комісия вкаже переможців найпізнійше о ден – т.є 30. марця. За тым мотузком найдете конкурсовий реґулямін.
Заохочаме голосувати на лемківску церков! 🙂
Храм Покровы Пресвятой Богородиці был побудуваний в 1653 році, будучы єдном з найстаршых захованых днес лемківскых церкви. Вынятковіст вельовікового дідицтва Русинів осталa підкрисленa через вписаня церкви з Рыхвалду (разом з інчыма лемківскыма церквами) в 2013 році на Листу Світовой Спадковины ЮНЕСКО. Внутрі находит ся поліхромія з 1938 рока, а бароковий іконостас датуваний є на XVIII ст. Церков презентує лемківскій, тридільний тип сакрального будівництва. По повороті части выгнаных Лемків до рідного села і одновліню структур Грекокатолицкой Церкви, храм офіцияльні од 1998 рока служыт спільні місцевым грекокатоликам і римокатоликам.
Коментарі