Множество стріч Русинів в ЗША

Русины в Америці мают через ціле літо і осін можніст, жебы реґулярні ся стрічати, камаратувати і пошырювати знаня о своій істориі ци культурі. В практиці то не такє просте зреалізувати, понеже подіі проходити будут в ріжных штатах.

Лемко Союз заплянувал шор стріч на надходячы місяці. В серпни/авґусті споминана буде памят жертв лаґру в Талергофі, отворена буде выстава про Енді Варголя, буде спільне пікнікуваня та паліня ватры. На осін пройде м.ін. презентация фільму про акцию Вісла, конференция про русиньску спадковину ци специяльна автобусова прогулька по русиньскым Пітсбурґу.

• 5. серпня/авґуста, Гіґанам в штаті Конектікет (185 Old County Road, Higganum, CT 06441-4446), 10.00 год. локального часу:
  103. Ден Памяти про Талергоф – панихіда за тых, што стратили жытя в концентрацийным лаґрі в Талергофі в 1914-1917 рр. і інчых лаґрах І Світовой Войны та за вшыткых, што страдали в Карпатах в результаті обох світовых воєн та іх наслідств; пікнік при звуках музыкы презентуваной Штефаном Дутканичом з Бортного (DJ Bortne).
• 19. серпня/авґуста, Атлянта в штаті Джорджія (High Museum of Art, 1280 Peachtree St NE, Atlanta, GA 30309), 10.00 год. локального часу:
  Выстава посвячена Енді Варгольови – вернісаж.
• 26. серпня/авґуста, Бордман в штаті Огайо (7754 South Avenue, Boardman, OH 44512), 12.00 год. локального часу:
  Русиньска Ватра – ден выполнений музыком, ґенеалоґійом та спільном гостином, на вечер заплянувано Службу Божу.
• 26.-27. серпня/авґуста, Бель Вернон в штаті Пенсильванія ( 221 Leighty Street, Belle Vernon, PA, 15012), 12.00 год. локального часу:
  Ден Лемківской Дідовизны – субота посвячена буде ґенеалоґіі, в неділю одбуде ся Лосяньскій Кєрмеш, значыт – пікнік вшыткых потомных еміґрантів Галициі в Австро-угорскій Імпериі.
• 27. серпня/авґуста, Клівленд в штаті Огайо (930 East Blvd, Cleveland OH 44108), 11.00 год. локального часу:
  Єден Світ – парада і перехід представників розмаітых наций і етнічных ґруп, в тым Русинів, артистичны выступы, деґустация страв світа, додатковы атракциі.
• 2.-3. вересня/септембра, МакКіспорт в штаті Пенсильванія ( 330 Shaw Avenue, McKeesport, PA), 5.00 год. локального часу:
  100. річниця основаня православной парохіі Успінія Пресвятой Богородиці – богослужыня правлены будут через митрополиту Іларийона та владыку Миколая, по обіді выступит Балалайкова Оркєстра св. Миколая з Могадоре в штаті Огайо.
• 17. вересня/септембра, Парма в штаті Огайо (Parma-Snow Library, 2121 Snow Road, Parma, OH)
  Аж і слезы не старчыли – презентация документального фільму Мариі Сільвестрі та Джона Ріґетті, бесіда з творцями фільму.
• 30. вересня/септембра, Вількс Баре в штаті Пенсильванія (133 N River St, Wilkes-Barre, PA 18711)
  Конференция про Русиньску Спадковину.
• 18. жолтня/октобра, Пітсбурґ в штаті Пенсильванія, 8.30 год. локального часу:
  Історична прогулька по русиньскым Пітсбуґу – автобусова прогулька по місцях звязаных з пристуністю Русинів в Пітсбурґу, м.ін. хыжа де выховувал ся Енді Варголь, церков св. Йоана Златоустого візантийско-католицкого обряду – перша русиньска катедра, переізд Руском Долином, візита в сідибі Лемко Союза.
• 22. жолтня/октобра, Шельтон в штаті Конектікет (330 Howe Avenue, Shelton, CT), 15.00 год. локального часу:
  Скушенности і згрызоты владыкы Сотера (Штефана Ортиньского) – прекелция др. Івана Кащака про першого єпископа Украіньской Геркокатолицкой Церкви в ЗША, покликаной для опікы над рускыма емігрантами з Галициі.