Порталь lem.fm, по зміні ґрафічного дізайну в 2014 р. єст пристосуваний до перезераня на вшыткых видах компутерів, смартфонів, таблетів, фаблетів і “розумных” телевізорів, понеже познає яку мате роздільчіст екрану. Тішыме ся, же не ограничате ся до одкрываня нашого порталю лем в компутерах (хоц днес тяжко повісти, што уж ним перестає быти, а єст таблетом, або міцным смартфоном).
Дальше 80% любителів lem.fm хоснує компутеры (вшыткы даны за Google Analytics), жебы войти на наш порталь, але новы мобільны технолоґіі фурт збільшают свою присутніст в нашых статистыках. Смартфоны то 15%, а таблеты – 5%.
Спосеред лідерів з першой десяткы входів на лем.фм, найчастійше мобількы і таблеты в руках мают хоснувателі з ЗША – 37%, Канады – 34% і Росиі – 32%, але тішыт нас тіж результат банґлядешскых Русинів – 100%(!), або жыючых в Кенійскій (88%) і Індонезийскій Руси (77%). 🙂
ДЯКУЄМЕ за Вашу присутніст на портали lem.fm!
Коментарі