Мы більше любили єден другого… – 70 процент – неділя, 18.00 год.

Мария Одрехівска, жена Василя Хомика, зас оповідат о львівскій лемківскій інтеліґенциі. Оповідат, як товды было медже Лемками – в пятдесятых, шістдесятых і сімдесятых роках. Як сходили ся, камаратили, помагали каждый каждому. І, ясна річ, про Василя Хомика –  учытеля, поету, фольклористу – єдного з них, з тых леґендарных львівскых Лемків, якы творили лемківску культуру товды, коли было тото цілком непросто…

На фото він, котрый уж деси ходит тепер по небесній Лемковині, выступлят на сцені іщы лем покус правидивой Лемківской Ватры, а она, його вірна жена – з писанками, бо барз любит тото кольорове святочне ремесло.