Зачали сме новий місяц. Ци буде він так само теплий як січен/януар, того нихто не знат. Зо вшыткым треба ся перше переконати. Якоси з другого боку жаль, што уж не маме такых зим як колиси, як нам дідове оповідали. Іщы не так давно в горах были снігы попід стріхы. А дітвора мала де шаліти.
Друга річ, уж того місяця вірны нашых церкви зачнут Великій Піст. Прото і Вам рекомендуєме завчасу ся вышаліти, выскакати і сой ґылтнути порцийку. Пізнійше не буде як, або інакше – не мож. Досправды треба ся пильнувати. Што до мяса, то тіж майте позір. Ліпше тепер зісти тоты модны вынаходы як бурґер ци кебаб. Піде Вам в бочкы, але через піст зошмарите.
Но і наконец конкреты. В днешнім поучытельным «Говорить Пряшів» м.ін. в Книжници.фм Сільво Ерделі – вершы од Русинів з Войводины. А в Целебритах дознаме ся про родака зо Старой Любовні, Яна Допіряка.
Красні просиме і желаме приємного слуханя!
Приносиме актуалны інформації з русиньского середовиска і нелем з нього. З нашыма справами будете все актуално інформованы о найважнішых подіях і з Културным калеідоскопом вам не втече жадна културно-сполоченьска акція у вашім реґіоні.