«На пути в гляданю русиньскых коренів» в ЗША

Карпаторусиньскє Общество просит на презентацию-доповід др Вірджініі Е. Шейн на тему гляданя русиньскых коренів. Подія пройде в суботу, 27. лютого/фебруара т.р., в Philadelphia City Institute (1905 Locust Street Philadelphia, Pa  19103), початок од 13.00 год. за локальным часом.

Прелеґентка в своій доповіди представит приватны досліджыня в гляданю русиньскых коренів на Украіні. Окрем того, з фільму пн. «My Carpatho-Rusyn Roots Search Adventure» дознаме ся про труд в того рода діяню. Презентация напевно принесе добру лекцию для вшыткых, маючых замірене заняти ся гляданьом родинных коренів.

Др Вірджінія Е. Шейн одкрыла свою карпаторусиньску достоменніст, што позволило єй в 2011 році одвидіти рідну Підкарпатску Русь. Товды же завитала до дідовых сел Рускє і Кайданове, як тіж пришла до Ужгодора і Мукачева. Скорше взяла участ в ІІ Studium Carpatho-Ruthenorum (Медженародна літня школа русиньского языка і культуры) в Пряшові. По емісиі фільму, присутны будут мати змогу взяти участ в бeсіді і давати своі звіданя.

Вступне дармо. Дрібниці і контакт – за мотузком.