На зачаток нового місяця – «Говорить Пряшів» – пятниця, 20.00 год.

Стрічаме ся першого – 1. марця 2019 р. Новый місяц ся зачал, а то уж третій подля рахунків. Так скоро минули нам тоты два першы місяці рока, же аж страх. Чловек сой пляны малює, але часто не годен ся выробити. Но хыбаль же ся ничым не перенимаме і жыєме безстресово – товды вшытко годно ся сполнити.

Желаме Вам, жебы новый місяц – кєд сме ся уж стрітили того першого – был про Вас іщы ліпшый як тоты два минулы. Інакше не буде. Марец то такой передярній час. Астрономічна яр приде уж о хвилю. А товды вшыткы елеґантскы пані вытягнут з лад кольоровы кабаты, а панове взуют парадны пантофлі і до того, заміст грубой шапкы, дакій калап або кашкєт.

Нич ґу тому – як єм рюк – іщы кус. На днес, же хвиля іщы не така приємна, пропонуєме по 20.00 год. «Говорить Пряшів». В Книжници.фм оповіданя Анны Галґашовой. Інтересуючо буде і в Нашых Целебритах. Послухаме про русиньского політика з Лемковины, якій кликал Лемків переселити ся на Підкарпатску Русь. Хто то был? Аж сам єм цікавый… Одповід уж днес.


Приносиме актуалны інформації з русиньского середовиска і нелем з нього. З нашыма справами будете все актуално інформованы о найважнішых подіях і з Културным калеідоскопом вам не втече жадна културно-сполоченьска акція у вашім реґіоні.

 

Повязаны дописы

Коментарі

Польковиці 103,8 МHz
Ґорлиці 106,6 MHz