За інформаціями порталу Голос Карпат, в днях 9-го і 10-го септембра 2015 р. проходити буде вже 17-тый річник міджінародного фестівалу телевізных і радіовых проґрамів твореных про народностны меншыны під назвов Мій рідный край.
Орґанізаторами того фестівалу суть Державный комитет телевізії і розгласу Україны, Закарпатьска областна державна телерадіокомпанія Тиса і Закарпатьска областна державна адміністрація. У фестівалі все беруть участь домашні, но загранічны телевізії і радіа. На 17-тый річник суть зо своїма проґрамами про народностны меншыны приголошены участнтници із Україны, Румунії, Словакії, Мадярьска, Німецька, Сербії, Швеції. До конкурзу є тот рік записаных 70 телевізных проґрамів і 42 радіовых проґрамів.
Влони премію за режію і звук здобыв проґрам Розгласу і телевізії Словеньска – Радіа Патрія – Народностно-етнічного высыланя Словеньского розгласу в Кошыцях під назвов „Подобы жывота“. Оцінене было выданя проґраму, в котрім выступав Боґдан Ґамбаль, втогды іщі ведучій заряду Стоваришыня Руска Бурса і редактор lem.fm, якый бісідовав нелем о собі, но і о жывоті Русинів на Лемковині. Ту сьме о тім писали на нашім порталі.
ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА
Коментарі