Награй фільмик і выграй чытник KINDLE

Справа єст проста. До выграня шіст чытників до книжок маркы KINDLE. Старчыт награти короткій фільмик (рольку) і помістити го на дакій плятформі социяльных медий, типу TikTok, Instagram, Facebook ци YouTube. Котрый фільм буде мал найвеце высвітлінь – тот выгрыват!

Лемковина, шковраночок, Мурянка

Звідате – але якій фільмик, о чым? А то уж лишаме Вам, як головне вызваня. Сме отверты на всякы формы Вашой експресиі. Заскочте нас! Треба Вам лем даяк помістити в фільмі три слова: Лемковина, шковраночок, Мурянка. Свобідні інтерпретуйте тоту задачу.

Коли помістите фільмик в сіти, то не забудте го отаґувати: #RuskaBursa #LemFm #AmazonPomagamy – то конечне, жебы награня брало участ в конкурсі.

Выгрыват тот автор, фільм котрого здобуде найвеце ВЫСВІТЛІНЬ (не іде о полюбліня, лем высвітліня) – зробте з них першы лемківскы віралі!

Як скорше помістите фільмик в сіти, тым більше мате часу здобыти веце высвітлінь. Підсумуваня робиме 31. жолнтя/октобра 2023 рока.

Нагороды будут признаны в трьох катеґориях:
– од 13 до 18 років;
– од 19 до 25 років;
– 26 і веце років.

Для автора найпопулярнійшого фільмику в даній віковій катеґориі переданый буде в рамках нагороды єден чытник, але в примірі затятой борбы о перше місце допущаме можливіст признати веце нагорід, а єст о што ся постарати.

Чытник KINDLE має дотыковый панель до чытаня велькости 6,8″ i 300 ППI, є водоодпорный, лучыт ся з wifi, має вбудувану памят велькости 8 ҐБ і єст «облеченый» в красну зелену, охоронну окладинку, што звекшат його безпеку вчас транспорту.

Teхнічна заувага – не публикуйте рольок в 24-год. реляциях, лем в формі постів, бо інакше не будут ся зраховувати высвітліня. Можете накрутити веце як єден фільмик.

 

Wyświetl ten post na Instagramie

 

Post udostępniony przez radio lem.fm (@lem.fm_radio)

Намалюй і выграй

Для молодшых чытачів маме альтернативный конкурс, в котрым тіж буде мож выграти чытникы KINDLE.

Для тых самых госел: Лемковина, шковраночок, Мурянка намалюйте образок, свобідном техніком, а велькости мін. А4, зробте знимку або скан образка і пришлийте на адрес sekretariat@ruskabursa.org. Можете прислати веце як єден образок. В конкурсі може брати участ каждый – без огляду на місце походжыня, замешканя ітп.

Нагороды будут признаны в трьох катеґориях:
– од 10 до 13 років;
– од 6 до 9 років;
– та до 5 рочків.

Teрмін надсыланя малюнків то 31. жолтня/октобра 2023 рока.

В конкурсі може брати участ каждый – без огляду на місце походжыня, замешканя ітп. Материял не може никого ображати, дискримінувати, не мож хоснувати вульґарне словництво. Кєд так бы ся стало – автор буде здискваліфікуваный.